EDITORIAL
Ha kiba kum kine ki por, ka long kaba eh ban don ki khun samla kiba ai ka por jong ki ha kaban ai ki jingthoh, khamtam kiba iadei bad kiei kiei kiba kynja mynsiem. Hynrei nga ainguh ia U Blei ba u la pynsngew ia ki katto katne ki khun samla ka Balang ban jubab ia ka jingkhot ban noh synniang da ki jingthoh ha kane ka online magazine jongngi, ka Chronicle. Ngi iohi ia ki sap bapher ba ki khun samla ki don ha ka liang ka thoh jingthoh, bad lehse kane kan long ka lad ba ki khun samla kin pyntbit shuh shuh ialade ha kane ka liang. Ka long ka bynta kaba kongsan eh ba kum kiba la siewspah jong U Trai, ba ngin pyndonkam ia ki jingthoh ha kaba pynphriang ia ka Gospel, bad ruh ha kaba iatai iathir ia kiba bun ki phang kiba iadei bad ka jinglong jingim Khristan, ka imlang sahlang, ne wat ia ki issues kiba thnam ha kine ki sngi kiba mynta. Kyrmen ba ngin nang lah ban pynmih shuh shuh ia ki jingthoh kiba long sbai ha ki bnai kiban dang wan.
U Blei un kyrkhu,
Sandra Ramsdam
Editor
Chronicle, SCYO&C.
KHANA LYNGKOT NA KA BIBLE
U KALEB: U SHAKRI BA ÏAINEH HA LYNDET KA RI KI JINGKULAR
Bryan D Wahlang
JINGIASENG SAMLA BALANG PREBYTERIAN UMLYNGKA
Ha kawei ka janmiet la don ka jing ialang jong ki Rangbah ki khun Israel bad ki la ia lum bad ker sawdong ia kata ka ding ba la pynmeh hapdeng, ha Kadesh, ha ri khlaw Paran. Kim shym la tip ka daw balei ba ki la shah khot hangta bad don ruh napdeng jong ki kiba leh thlia bad leh dom haba ki la shah pynthut haka por ba ki dang bunkam hala ki kam janmiet jongki. Hynrei kane ka jingkhot ka la wan na u Moses bad kata hi ka la biang ban pynkloi ia ki ba kin ieh iala ki kam ki jam ban iawan ha kata ka jingialang. Ki la ia mih na la ki jaka shong jaka thiah na sawdong kata ka khlaw bad ki la ia poi hangta, khadar ngut ki Rangbah, uwei u briew na kawei kawei ka jaid ki kpa jong ki, ki rang ba kynsai na la ki jaid jong ki, bad uwei na kita U long U Kaleb U khun U Japhunreh.
Hangta u Moses u la ai khublei ia uwei pa uwei uba la wan bad kita ki Rangbah ruh ki la ia ai khublei iwei ia iwei bad ki la don ruh kiba ia pasiaw hapdeng jong ki ba kim bna ba balei ki la shah khot. Kumta u Moses u la ieng hapdeng jong ki bad khlem da pyntud u la batai ia kita ki khadar ngut ia kata ka kam kaba kongsan bha ba un phah ia ki kum kita ki shi kynhun ba kin iakhmih syntiat ia ka ri Kanaan ia kaba U Blei U la kular ban ai ha ki khun Israel.
Bad u Moses u la bthah ha ki ia kaei kaba kin leh bad u la phah noh iaki ia kaban khmih syntiat ia kata ka ri Kanaan, u la ong ruh ha ki, “ To khie leit kumne shaphang shathie, to kiew sha kata ka ri lum: To khmih ruh ia kata ka ri, kaba kumno: bad ia kita ki briew kiba iashong sah ha ka, la ki long kiba khlaiñ ne kiba tlot bor, kiba khyndiat ne kiba bun: ia ka khyndew ruh ha kaba ki iashong sah, la kaba bha ne kaba sniew: ha kiba kumno ki shnong ki iashong ruh, la haki ïingjaiñ, ne ha ki kut baskhem, bad ia ka khyndew ruh, la kaba don sboh ne kaba lyngki, la ki don ki dieng ha ka ne em. To long phi kiba shlur, to wallam ruh na ki soh jong kata ka ri. Te kata ka aiom ka la long ka aiom soh nyngkong ki dieng sohwaiñ “(Ki Jingkheiñ. 13: 17-20). Hadien sawphew sngi ka jing khmih syntiat ia kata ka ri kaba la long ruh ha ka por bad ka aiom soh nyngkong ki dieng sohwaiñ, kine ki khadar ngut ki khun Israel ki la iawan phai pat bad ki la iapoi ha u Moses bad ha u Aaron, bad ha uta u paidlang baroh ki khun Israel, ha Kadesh, kaba ha ka ri khlaw Paran. Ki la wallam ktien ruh ha ki, ki la iabah ruh ia kawei ka tnat kaba don shirynjup u sohwaiñ halor u dieng hapdeng arngut, ki la wallam ruh ia ki sohpong bad ia ki sohdumbur de. Te ki la iathuh ruh shaphang ka jingitynnad jong kata ka jaka bad ka jing pahuh pahai ki soh, ka dud bad ka ngap. Hynrei kita ki nong syntiat ki la sheptieng shi katdei katba ki dang iathuh artad shaphang kita ki briew kiba shong ha kata ka ri namar ba ki long ki jaid bynriew kiba heh bad kiba khlaiñ, bad ki sah haki ïing kiba skhem ba la la ker da ki kynroh kiba khraw sawdong jong ki. Ki la sheptieng haba ki la iohi ia ki khun u Anak, kiba la tip kum ki ramhah, bad ruh kiwei pat ki bynriew kiba shong ba sah ha kata ka ri.
Katba ki dang ia kren bad puson ia ka jing khraw jong kane ka ri bad ka jing heh jing khlaiñ jong kine ki briew, u Kaleb u ieng joit bad u la pynsngap jar ia kita ki briew ha khmat u Moses, bad da ka jingshlur u la ong ba ki dei ban ialeit noh shisyndon ban jop bad ban shim noh ia kata ka ri. U Kaleb u ïeng ha la ka nongrim namar ba u long u nongbud ba shisha jong U Blei. U Kaleb u tip ia ki jingkular jong U Blei ia ki khun Israel bad u la iohi da la ki khmat ia kita ki jingeh hakhmat jong ki, kita ki Amalek ia kiba kin hap ban hiar thma ban jop ia ka ri Kanaan, tangba um shym la tieng wat la ki long ki briew ki ba heh ba khlaiñ kum u Goliath namar ba u don ka jingngeit kaba skhem ha U Trai ba U don ha ka liang jong ki, bad U Trai Un ai ia ki ka jingjop halor kita ki nong Kanaan. U Joshua ruh U la pyrshang ban pynsgewthuh ia uta u paidlang ki khun Israel ba ki dei ban shaniah ha U Trai.
Hynrei ki paidbah kim shym la sngap ia u Kaleb bad U Joshua, pynban ki la sngap ia kita kiwei pat ki shiphew ngut kiba la ialeit syntiat lang bad ki. Ki kyntien jong kine ki shiphew ngut ki la pyntieng, pynsmiej bad pynartatien ia u paidbah haba ki la iathuh ba ki khun Israel ki long tang kum ki puit hakhmat jong ki nong Kanaan. Kumta uta u paidlang u la khñium ia u Moses bad u Aaron, ki khun Israel ki la sheptieng bad ki la iam lynñiar ha kata ka miet. Ka jingtieng ka la nang jur hapdeng uta u paidbah bad ki ialeh pyrshah ia U Blei, bad ki la ong ba kabha iaki ban iap kum ki mraw ha ka ri Ijipt ban ia kaba ki khun ki tnga jong ki kin hap ha ka waitlam jong ki ramhah. U Kaleb lem bad u Joshua, ki la kyrpad ia ki khun Israel ba kin shaniah ha ka jingkular U Trai, hynrei uta u paidbah baroh u la bitar bad u la ong ban lynthem ia ki da ki maw. Ka burom U Blei ka la wan paw hangta bad U Blei U la bitar, bad U la byrngem ba un pynjot bad pynsaphred noh ia kine ki briew kibym ngeit ha U. Hynrei u Moses u la kyrpad ia U Blei ba Un map ia ki pop jong kine ki briew katba kum ka jingisynei kaba khraw jong U Trai. Te U Trai U la map, hynrei U la ong ba kita kiba la leh pyrshah ia U bad kiba khnium ia U kin ym ioh ia kata ka ri kaba U Trai U la smai ha ki kpa jong ki hynrei kin iaid wir kylleng la kylleng ha kane ka ri khlaw, lait noh u Kaleb bad u Joshua kiba la bud ia U Blei biang biang.
Te uta u paidbah u la iaid wir kylleng kata ka ri khlaw haduh sawphew snem. Bad kita ki briew jong kata ka pateng ki la iap lut baroh, tang u Kaleb bad u Joshua kiba im. Namar ba u Kaleb u long u shakri uba bud bad shaniah ha U Blei, te U Blei U la ong ba Un ialam ia u Kaleb sha kata ka ri bad U la kular ba ka khyndew kaba ki slajat u Kaleb ki la iuh kan long ka ri kynti jong u bad ki khun jong u junom.
Hadien sawphew snem ka jingiaid ha ri khlaw bad san snem shuh ka jingialeh bad ka ri Kanaan, u Kaleb u la don phraphew san snem ka rta tangba U dang khlaiñ bad shlur kumba u la long sawphew san snem mynshwa ha ka por ba u iohi nyngkong ia ki dieng sohwaiñ ba itynnad bad ba heh jong ka ri Kanaan. Ka la long ka thong jong u Kaleb ban jop ia kita ki jaid bynriew ba heh bad ka khlaiñ bad ban ioh ia ka ri Kanaan naduh ba U la iohi ia ka, ryngkat bad ka jingshaniah jong u ha U Trai.
U Blei U la kular ba Un ai ia u Kaleb ia kata ka jaka kaba u la ïuh kjat mynba u la leit khmih syntiat ia ka ri Kanaan, bad kadei ha kane ka bynta jong kata ka ri ba la kular U Blei ia ki khun Israel ba kita ki jaid bynriew kiba heh bad ba khlaiñ ki iashong iasah. Khlem jingsheptieng u Kaleb u long uba la khreh ban ialeh thma bad iapom pyrshah ia kita ki ramhah, bad kata mynsiem shynrang bad ka jingshlur jong u la kha na ka jing shaniah tylli jong u ha U Trai Uba la kular ia ki Israel ban ai ia kata ka ri ka jingkular. Te u Kaleb u la beh nangta na Hebron ia kita ki lai ngut ki khun u Anak bad u la leit sa ban ialeh pyrshah iaki nong Debir, bad da ka jingiarap u Othniel u khun u Kenas, u para u Kaleb, U la leit iapom bad jop ia ki nong Debir. Te u Kaleb u la aiti noh ia ka khun jong u, ka Akhsah, ba kan long ka kurim jong u Othniel, bad u la ai ruh ha ki ia ka khyndew shaphang shathie, bad kita ki umpohliew kiba haneng bad kita kiba harum.
Kane ka jingiathuh khana lyngkot shaphang u Kaleb ka pyni ia ka jinglong ba ïaineh jong u ha la u jong U Trai kynrad. U la shaniah skhem khlem jingartatien ha U Blei watla kiwei ki la artatien bad ki la kynran dien noh. U Blei U la kyrkhu ia u Kaleb namar ka jingïaishah slem jong u ha ka jingïaineh bad jingshaniah tylli ha U.
Katno ka long ka jingpynshlur ia ngi ba ngin long kum u Kaleb uba ïaineh ha ki jingkular jong U Trai. Ka jingpyndep ia ki jingkular ka long na U Blei, ka jingïaineh ban pynkhreh ia ki jingialeh ka dei na ngi. Amen.
Ka Lynti ka Jingshisha
U Ferry Collin Dopri
Jingiaseng Samla Balang Presbyterian Umlyngka
Kawei na ki jingkylli kaba don jingmut bad ka jingkylli kaba khraw haduh katta katta kaba ngi lah ban shem ha ka Bible la kylli da uwei u nongsynshar u bym shym la ithuh ia U Blei, bad uta u long u Pilat, u briew u ba la aiti noh ia U Jisu ban sahnarphna. U Pilat u kylli ia u Jisu“Ka long aiu ka jingshisha?” (Ioannis 18:38) lane “Kaei ka Jingshisha?”. Ka long ka jingkylli jong ka jingniew bein hadien ba U Jisu U la ong “Ia kane khnang la kha ianga, bad ia kane khnang nga la wan sha ka pyrthei, ba ngan ioh phla skhem ia ka jingshisha”. (Ioannis 18:37).
Haduh kine ki sngi kiba mynta kajuh ka jingkylli kaba u Pilat u kylli, ka pyrthei ruh ka kylli“Kaei ka Jingshisha?” Don kiba ong ba ka jingshisha ka long ka iktiar kaba kiba khraw batri ki pyndonkam ban thombor ia kiba rit. Ha kiwei pat, ka Jingshisha ka long ka jingsngewthuh shimet la ka long iaka babha lane kaba sniew. Lada ha lade shimet ki sngewba ka long kabadei kata ka dei ka jingshisha. Don pat kibaongba ka JIngshishaka long ka jingiamynjur lang da baroh lane ngilah ban ongbaiaka Jingshishala pynwandur hi da ka imlangsahlang. Don ruh kibymngeitba ka don ka Jingshisha.
Kaei ka Jingshisha?
Uwei na ki riewstad u bakhraw U Aristotle u ong “Ka jingshisha ka long haba ngi ong‘ka long kaba dei’ia kaei kaei kaba dei bad ‘ka long ka bymdei’ ia kaei kaei ka bymdei”. Kat kum ka Webster Dictionary ka kyntien ‘Jingshisha’ ka mut ‘kaei kaei kaba la dep jia bad kaba ngi lah ban iohi’.
To ngin iapeit ka Bible ka batai kumno shaphang ka Jingshisha.
Ka Jingshisha ka dei ka jinglong ka jong U Blei. Ka jingshisha ka dei kaba wan na U Blei hi namar kata ka Jingshisha ka long kaba kynja mynsiem. Naduh ka Testament ka barim la pynpaw ba U Blei jong ki Israel, U long U Blei jong ka Jingshisha (Deuteronomi 32:4; Ki Salm 31:5; Isaiah 65:16). Haba U Jisu u ong “Nga long ka Jingshisha” (Ioannis 14:6) U pynshisha ia ka jinglong Blei jong U. U pynshai ruh ba ka Jingshisha ka long ka burom U Blei bad ka long kaba kyntang.
Namar U Blei jongngi U long U Blei ka Jingshisha kumta ki ktien baroh kiba mih na U ki long kiba shisha. Baroh ki kyntien kiba la thoh ha ka Ktien bakhuid jong U ki long kiba dap da ka jingshisha bad kim lah ban duh noh lano lano ruh. (Ioannis10:35).
Ka Jingshisha baroh kaba mih na U Blei la bsuh ha ka jinglong tynrai jong u briew bad hapoh ka dohnud jong u (Rom 1:19), kumta ngi ithuh ia ka Jingshisha naduh ba la pynlong iangi. Iaka jingshisha la shonshap ha ka dohnud jongngi ryngkat bad ka jingiatiplem paralok hi. (Rom 2:15).Kumta kita ki jingbatai jong ki briew shaphang ka Jingshisha ki long ki bym myntoi namar haba ngi puson shaphang ka Jingshisha, ka wanrah iangi markhmat bad U Blei Uba long U tynrai jong ka Jingshisha. Ka jingshisha baroh ha ka dohnud u briew ka long kaba thala lada ia U Blei ngi iehnoh shadien. Dei namar kane ka daw U Apostol Paul u thoh ia ka shithi sha ki nong Rom 1:21-22 “Namarhaba ki la tip ia U Blei, kim shym la pyndonburom ia u kum U Blei, lymne kim shym la ainguh; hynrei ki la man thala noh ha ki jingpyrkhat jong ki, kumta la pynsynnia tiaw ia ka dohnud jong ki. Haba ki kren phlanduman ba ki long kiba stad, ki la man bieit noh pynban, bad ki iapli ia ka burom ka jong U Blei ubym pyut bad iba kum i dur i jong u briew ba pyut”.
Ka jinghikai kaba u khunbynriew u dei ban kynmaw ka long ba kan nym don ka jingsngewthuh kaba tikna shaphang ka jingshisha lada ngim buh ia U Blei hakhmat duh. Ban ialeh pyrshah ia ka jingshisha kaba U Blei u la buh kan wanrah ia ka jingdum, ka pop, ka jingbishar bad ka jingbitar bah ka jong U Blei.
Ka Lynti ka Jingshisha
U Jisu u ong “Nga uba long kata ka lynti, bad ka jingshisha bad ka jingim de, ym don uba wan ha U Kpa hynrei tang da nga” (Ioannis 14:6). Ban iaid ha ka lynti ka Jingshisha ngi dei ban tip shwa shaphang U Jisu uba long ‘Ka Jingshisha’. U Jisu u phla shaphang ka jingshisha bad u kren shaphang ka jingshisha namar ma U hi U long ‘Ka Jingshisha’. Ha U ym don ka jingshukor. U Jisu kum u Nonghikai U hikai shaphang ka Jingshisha, kum u Lyngdoh, u long uba sngewlem bad kum u Syiem u long uba hok. Ngi lah ban tip shaphang ka Jingshisha hynrei ngim lah pat ban kam ba ngi long ka Jingshisha, namar haba ngi la tip shaphang ka jingshisha pynban ngim leh ia ka.
U Jisu haba U dang don ha ka pyrthei U pyni ia ka jinglong U Blei. U Jisu u long uba jemnud bad uba dap da ka jingieid. U pynpaw ba U Blei ruh U long Uba dap da ka jingieid bad ka jingisynei. U Jisu ha ka jinglong doh u long ka nuksa jong ka Jingshisha baroh. Ki briew kin nym lah ban ioh ia ka jingshisha lada kim pdiang ia U Jisu Khrist. U Jisu U long ka lynti jong ka jingshisha. Ka jingshisha baroh kaba ka pyrthei ka pynshai ka long kaba thala bad ia ka jingshisha ngin shem tang ha U Blei. Uta uba ithuh ia U Jisu Khrist u ithuhia ka jingshisha.
Ka jingshisha ka pyllaitluid iangi na ki jingteh jingkhum baroh. Ka pop, ka jingiap bad ka jingshukor kamlah ban bat iangi haba ngi don ia ka jingshisha. Ka jingshisha baroh kaba U Jisu U pyni ka long ka jingshisha ka bym duh noh bad kan nym kylla rim lano lanoruh. Ki kam jong U ki long kiba shisha bad baroh ki kyntien kiba mih na ka shyntur jong U ki long ka Jingshisha.
Ngi im ha ki sngi kiba ka jingshisha ka la duh noh. Haba ngi phai sawdong jongngi, ngi lap ba ka jingshisha kam don shuh. La ka long ha ki kam ki jam ba ngi trei ngi ktah ne ha ki ktien kiba ngi kren ym don shuh ka jingshisha, hynrei tang ka thok ka shukor. Shibun ki samla ki mad ia ki jingeh haba ki wad ia ki kam ki jam namar ka hok kam don shuh. U Paul haba u thoh ia ka shithi 2 Sha U Timothi 3:1-3 u ong “Hynrei to tip iakane, ba ha ki sngi kiba khadduh kin wan ki por bashitom. Namar ki briew kin long kiba ieit tang ia lade, kiba ieit sbai, kiba kren sarong, kiba lehkhraw, kiba kren sniew, ki bymkohnguh ia ki kmie ki kpa, kibym sngewnguh, kibym khuid, kiba khlem ieit ia la ka kynja, kiba khlem map, kiba kren siar, kibym suidniew, kiba riewnar, ki bymieit iaka babha”. Kine ki sngi kiba ngi im ki long ki sngi kiba khadduh kiba ki briew kim ieit shuh iaka babha lane ia ka jingshisha. Kaba sngew shyrkhei ka long ba wat kiba la kam ialade ba ki long ki Khun Khristan bad kiba ithuh ia U Jisu Khrist pynban ngi len noh ia ka jingshisha. Ki briew ha kine ki sngi ki lehpyrshah ia ka jingshisha. U Paul Apostol u ong“Kumba U Jannis bad U Jambris ki la ieng ialeh pyrshah ia U Moses, kumta kine ruh ki ieng ialeh pyrshah ia ka jingshisha”. (2 Timothi 3:8). Kiba ieng ialeh pyrshah ia ka jingshisha ki long ki nongshun U Blei bad ki long ki khun jong ka jingdum.
Ka pop ka pynjngai iangi na U Blei bad na ka jingshisha. Ka teh mraw iangi bad ka kjap ia ka jinglong mynsiem jongngi. Ki briew ki bym don ka jingshisha kim nud ban wan hajan U Blei bad ki phet jngai noh na U. Bun ki briew ki set ia ka pop bun phew snem bad kane ka pyntroin ia ka jinglong bakynja mynsiem bad U Mynsiem U Blei u kynriah noh na ka jingim jongngi. Kumta ngi jia long kiba kordit bad kawei ka jingshukor ka pynlong shibun ki jingshukor.
Ka jingshisha ka pyllait phar iangi
Ka jingshisha ka wanrah ia ka jingsuk ha ka mynsiem. Ka pyllait phar iangi na ki jingteh jingkhum ka pop. Ka long kaba eh kum ki briew ban phla ia ka jingshisha haba ngi la leh pop, hynrei lada ngi phla ia ki pop U Jisu u long uba map ei ia ki pop jongngi. Ngi lah ban shah niewbein ha ki briew hynrei U Blei u ai ka jingsuk kaba palat ia ka jingshemphang bad ka ri jai jai ia ki mynsiem jongngi. Dei tang ha U Jisu ba ngi ioh ia ka jingsuk ka jingtngen namar ma U, U long u tynrai ka jingshisha baroh. U long ma u ka lynti ka jingshisha bad ka jingim.
Ka donkam iangi ban ieit bad ban phla ia ka jingshisha. “To hikai ha nga ia ka lynti jong me, Ah Trai! Ngan iaid ha ka jingshisha jong Me”. (Salm 86:11). Ngin ioh lait im tang lada ngi ieit ia ka jingshisha. Ngin pyrshang ban im ha ka jingshisha bad ban iaid ha ki lynti jong ka jingshisha. Ka jingshisha ka wanrah ia ka jingkyrmen hapdeng jong kane ka pyrthei kaba kynriang. Ka dei ka kamram jongngi kum ki samla Khristan ban pyni ia ka jingshisha ha ki por baroh. Ngin bud ia U Jisu uba long u tynrai ka jingshisha bad tang da ka bor jong U ngin lah.
KI KULAR BASKHEM
Mr .Ristar S. Mawrie
Balang Presbyterian Laitumkhrah
Mynnor ha iwei i shnong rit la don 2 ngut ki samla. U Joel bad u Alex ki long ki samla Khristan. Baroh arngut ki im bad ki sah ryngkat bad la ki jong ki kmie ki kpa bad ki hymmen ki para. Ka iing ka sem u Joel kam long kaba biang eh ha ka ioh ka kot. U Alex u long u khynnah samla uba rhem bha ha ki jingshakri Blei ha ka Balang. U Joel pat u long u khynnah ubym smat ban leit sha ki jingiaseng. Hapdeng ka jinglong samla khristan, u iai im bad lapmiet bad ki lok ryngkat ki jingsngewbha pyrthei. Haba ka kmie bad u kpa jong u ki ju iaisneng bad pyni ba ka lynti iaid jong u ha ka jingim ka long kaba bakla, um ju pushia ban sngap u ju ainia bad aidaw ruh iaki. Tang ban shu pymhun iaki, tengteng na iing u mih ban leit sha ki jingiaseng, shikam arkam ka lynti ka lam sha ka jingsngewbha pyrthei.Kumta ha ki saw lyer u jngai na u Blei bad u mad bun ki jingshitom ha ka met, ka mynsiem bad jingshah ibein ha ka jingim jong u. Ka kmie u kpa jong u bunsien ki sngew kutlad kumno ban pynkylla ia la ujong u khun. Ki ummat bunsien ki jaw naki. Ki iaidem la ki khohsiew ha madan bad khmied shajrong ban duwai rygkat ka jingkyrmen baskhem. Ha kawei ka nohphaisngi, hadien ba u la wankai bad ki paralok ban leit phai sha la iing, u la dei ban iaid lyngba na kawei ka jingiaseng ialap. Hangta u la ieng shipor ban sngap ia ka jingkren jong u Pastor basawa na ki tyndong jingpynsawa (Speakers). Kumba dung u namsarang ngak ka jingkren u Pastor ka la dung ia ka dohnud jong u. Kyndit ha ryngkat ki ummat kthang kila jaw ha ki ngab baplih jong u, U Blei u la ktah ia u, bad ryngkat ki kular ban thaw thymmai ialade u la leit phai sha la iing.
Baroh ki jingsngewsih bad ka jingbabe kiba u kun ,mynta u la kwah ban panmap na la ka kmie bad u kpa. Hynrei um shym la ioh lad kumno un leit namar u sngewbieit ia la ka jingleh lajong. U Alex, katba u dang wanphai na la ki jong ki kam u la iohi najngai ia uwei u khynnah samla bashong ha trai dieng ban rieh ialade na ka jingshit ka sngi ryngkat ka durkhmat sngewsih ba u shong hangta. Kumta u Alex u la leit kren bad kylli ia ka kyrteng bad ia kiei kiei baroh ba la jia ha ka jingim jong u. Hapdeng ka jinglung mynsiem ryngkat ki ummat, u Joel u la iathuh ia u Alex shaphang ka jingkren uwei u Pastor ha kata ka jingiaseng ialap ba kumno ka la ktah ia u bad u la iathuh ia kieikiei baroh ki jingkynduh ha ka jingim.U Alex u la kren bad aimynsiem ia u Joel da kiei kiei baroh ba la thoh ha ka ktien jong U Blei (Baibl)shaphang ka jingim kum ki samla Khristan. U Joel u la sngew donbok ialade ban iakynduh ia u Alex ha kum kata ka por ba u sngew donkam eh. Ryngkat ka kut jingmut ban im thymmai,shwa ban khreh dum ka bneng baroh arngut ki la ieng nangta. U Alex u la synran leit buh ia u sha iing jong u Joel. Ha dwar jingkhang u dem khrup ban panmap nala ka kmie bad u kpa. Naduh kata ka por baroh arngut ki kylla long shiparalok bad khamtam u Joel u la nang san kum u samla Khristan ba pynsngewbha ia la ka kmie u kpa bad khamtam eh ia U Blei.
Jingkylla
Bansankupar Kharkongor
Jingiaseng Samla Balang Presbyterian Laitumkhrah
Haba ngi iaid hangne ha pyrthei
Ki lynti ki bun stang ki jingdum ba shyrkhei
Kat shaba phai u lyoh iong u lah tap lut
Bad ka jingiadei bad U Blei ruh ka la dkut
Ka jingiatiplang ruh kam don shuh
Ba ia U Blei ngi buh khatduh
Ka akor ka burom ka lah sdang jah
Ki jingshakri Blei ruh ki lah pjah
Shaei kata ka jingsheptieng Blei
Haba jingpyniap para briew ka la jyllei
Tang jingjaw snam suda kat shaba phai
Ia jingim ba ai U Blei ngi lehkai
Ka por jingkylla ka lah dei
Shwa ba ka jingim kan long sepei
Ka la dei ka por ia ki khmat ban plie
Ioh ngin poi sha ka jingbabe
Shwa ba ka turoi bneng kan sawa
To ngin kut jingmut ban kylla
Ngin ieng skhem ban iaid ka lynti ba khim
Namar ka jingkut ka long ka jingpynim
Haba ngi sngew ba ngi lah kut lad
Ia U Blei ngin iai wad
Haduh sngi khatduh ngin ym khyllem
Ba ha U ngin iai ieng skhem
U Khun Sarong Awria
Nangdapkupar War & Barida Marbaniang
Balang: Umlyngka
Arngut ki khun shynrang u kpa,
Na bynta jongki ka spah la bynta;
Uwei na ki I’u kpa u ong,
Ko pa to ai noh ka bhah lajong.
U im sngewbha sha ka ri kaba jngai,
Bad ki lok baieid ia ka spah um tyngkai.
Jingim um pyrwa tang ka kmen ka sngewbha,
I’u kpa um kynmaw kat dang biang ka pisa.
Phewse ia ka ri ka tap ka nemsniew,
Hangta u sdang ban kyndit bynriew.
Baroh ha iing ki ia dap kyrhai,
U pat hangta u sah khuslai.
U pyrkhat iala ki shakri u kpa,
Ha iing jong u katno ki im bad kmen sngewbha.
Ma u pat hangta katno jingsaja,
Khatduh u rai ban leit phai sha u kpa.
U kpa u iai ap man ka por u iai jngoh,
Lano u khun sha la iing un wan phai noh?
Dohnud u kpa katno ka sngewhun,
Na jngai u iohi ba wanphai u khun.
Sha jngai na u kpa ngi wad ka jingtngen,
Ngi iai kyrsum bad pyrthei ban ioh jingkmen;
Hynrei jingieit u kpa ba iai shah slem,
U iai ap iaphi ianga ban wanphai noh sha la sem.
Ki khun Samla
Nangdapkupar War & Barida Marbaniang
Balang: Umlyngka
Ki khun jong ka Balang ngi long,
Baroh ki peit shin bha;
Ka leit ka wan jong ngi ha shnong,
Bad ki kam ba ki leh la sniew la bha.
Ka shnong ka thaw ka ap khmih lynti,
Ia ki soh babha na ngi;
Ba ngin long nuksa babha ia kiwei,
Na bynta jingbha jong ka lawei.
Pynban bun ki samla khristan,
Ban peit mynta lah i shyrkhei;
Ki ngop jingpynshoi u soitan,
Bad ki kloi ban len I’u Blei.
Kat shaba phai ngi iohi shynna,
Ba ki beh rongphong pyrthei;
Ki klet noh jinghikai babha,
Bad jingsniew ka nang jyllei.
Ia ka pyrthei ki bud tynneng,
Ki buh shadien I’u Blei;
Jingsneng jingkraw ki riew tymmen,
Ban klet ia ki ngim dei.
Samla khristan to kynmaw dngong,
Jinghikai ka ktienU Blei;
Ngin shim ia ki kum sharak ngin long,
Ban beh jingshai sha ka pyrthei.
Samla khristan ia kane to kynmaw,
Ba Jisu ia ngi un sa wan shaw;
Ka pyrthei ka long tang jaka pynkhreh,
Nangne ban leit sha ka iing shongneh.
Man’s Destiny
Mr. Debojit Sircar
(Mission Worker)
SCYO&C
Several years ago, I was watching the landing of one of the space shuttles on television. There was a station break, and an advertisement of a well-known breakfast drink came on. The spokesman for the product spoke of man’s destiny and how it will be attained. He said that man’s destiny lay among the stars, and the way he would reach that destiny would be by a space shuttle.
The Bible has something to say about man’s destiny, Jesus said that there are only two ways that lie open to man – the broad way and the straight way. He also stated that “no one comes to the Father but by me.”
Yes, man has a destiny. For the disobedient and unfaithful that destiny is eternal torment. For the righteous, those who love God and keep His commandments, it is eternal happiness in Heaven. One may reach the first destiny mentioned without any effort on his part – just do nothing, believe nothing and obey nothing. The other destiny, Heaven, will not be reached by a spacecraft, but through Jesus Christ and obedience to His will. What is your destiny?
THE LIGHT OF THE WORLD
Haphisha Majaw
Jingiaseng Samla Balang Presbyterian Umlyngka
Matthew 5:14-16 “You are the light of the world…. that they may see your good works and glorify your father in Heaven.” These verses talk about the ‘Light of the World’ and they were being spoken by Jesus Christ.
What is Light? In general terms, light is the natural agent that stimulates sight and makes things possible. If there is no light, there will be darkness and we know darkness is not good. Things will not be able to complete, nobody can see anyone or anything, everyday work becomes difficult to function, people can injure themselves and can even harm each other. We will be living in a state of chaos. But because of light, we are able to do everything. We are able to see everything around us and praise God for everything we see. Light does not just light up only a particular area, but everything around it. Sun, the brightest star in our Solar System is an example of this light.
Who is this light here? In the context of the Bible, the light that we talk about is the light that was, that is and that always will be, and that light is the Son of God. That light is our Saviour, Jesus Christ. This is the light that came from God Himself. This is the light that came to fill up the whole world with brightness. This light is the source of all light and life. It does away with all the darkness present. This is the light that can’t be extinguished ever.
What do verses 14 – 16 talk about? Jesus spoke these words to the multitude. He tells the multitude to be the light of the world. He speaks these same exact words to Christians today. He is telling us to be the “light of the World”. He does so to encourage us to be the light that overcomes the darkness. We know that Jesus is the light over all lights and life. He shines the brightest of all the lights. This same light is present in all of us once we have decided to follow Jesus. He is the light present in all Christians. It’s Christ living in us. Therefore, we have to shine bright like Christ. Because we have this light in us, we just can’t keep it to ourselves or we can’t just hide this light, but also give and share it to others.
Plenty of times, we have read these verses. We have gone through these words many a time, but a lot of times, we read these without any in depth understanding. We just go through like textbooks or magazines or journals we read. We don’t read with understanding and with feelings. A lot of times, these are the words kept as posts, stories and statuses, but we do not dwell in them. When Jesus speak these words, he wants us to feel it. He wants us to tell and show to others what we read. He wants us to feel that we are the light of the world and to show this light to others. These words should hold very deep meaning in our lives and we should also practice what we read. As Light of the world, we show that we are followers of Christ, and as followers of Christ, we need to be like him. We have to stand firm in our beliefs, in our faith and do what God has commanded us to do. We are to be like Jesus in everything. Jesus is perfect and we know that we are not. But we can always strive to be like him. We have to follow him in everything that we do. We have to obey God, do his will, trust God in everything, love one another, forgive each other, do what is right, not judge, be compassionate. We as Christians, have to show others who don’t know Jesus , who Jesus is. As light, we have all the opportunity to do so.
A lot of times in life, we tend to be of this world, we do things of the world, do things only for our selfish needs, follow the world and the one who rules it. We are afraid and scared, so we hide our light. We fear the world may not like us and it may call us crazy. We deny God because we fear the world will not accept us. We deny Jesus because we love the world too much. We are tempted to do things that are contrary to our beliefs and faith and almost every time we do it.
The world is a beautiful place. Everything in it attract us to it. We are tempted to take the fruits of the world. We see others doing something that is not right, that goes against our faith, we still do it and feel okay doing it because we see everyone doing it. We sin because we have become comfortable in sin. We live with it and in it. We are destroyed by it. But this verse reminds us that, as followers of Christ, we should be firm in our faith. Even when we have to stand alone, even when everyone was doing it, even when it looks good and we are tempted to make a wrong decision, we have to remember, we are the light. The light so powerful that it overcomes all darkness. We should not be afraid to shine our lights to others. We should shine bright like the light of Jesus in us. When others see this light in us, they will be attracted to us. As light, we show others the road to follow. As light, we portray Jesus with our life. When we are light, it shows we can do anything for Christ. We stand firm in our beliefs and others see Jesus working in us. They see Jesus in us. As light to others, we shine so bright that people see our good works and glorify the one who made us. We glorify our Father in Heaven, when we shine our light. People who don’t know Jesus will know and glorify him through us. And they will know the source of light comes from Jesus.
Jesus wants us to know that we are representing him here on Earth. The world will try to tempt us but he wants us to know that he will help us and be with us. We show the world what our Father in Heaven is capable of. He does not want us to extinguish our light ever.
In conclusion, we ask ourselves these questions, Are we obeying God? Or are we too in love with the world? Are we obsessed with the world and blindly following it? Are we tempted to do what others are also doing and ready to extinguish our light? Are we being like Jesus? Are we being “The Light of the World” just as Jesus asked us to be?
Spiritual Freedom
Ms. Monica C. Lyngdoh
Laitumkhrah Presbyterian Church
Freedom is something that everybody has heard of but if you ask for its meaning then everyone will give you different meanings. This is so because everyone has a different opinion about freedom. For some freedom means the freedom of going anywhere they like, for some it means to speak up for themselves, and for some, it is liberty of doing anything they like
The real meaning of freedom according to books is: Freedom refers to a state of independence where you can do what you like without any restriction by anyone. Moreover, freedom can be called a state of mind where a person has the right and freedom of doing what he or she can think of. Also, a person can feel freedom from within.
But here, when we talk about real freedom it is what we feel beyond the physical requirements. It is one of the most essential element of our lives. It gives us peace not only physically but it sets us free from all mental, emotional, social and financial bondage.
Sometimes doing what we want which the world describes it as freedom can do more of self harm as it is when someone is free to do whatever he or she wants, makes the mind empty, emotionless and not only destroy their own life but vice-versa.
The act of obedience, humility, perseverance and all the good qualities which God imparted in an individual right from the beginning of creation but soon fade away into small vapours when sin enters in their lives. But this kind of good quality act can be acquired if only an individual accepts their shortcomings and experience Spiritual Freedom.
Spiritual Freedom can only be obtained if a person is willing to submit himself or share his doubts, stress, agony, anger, sin, short comings and all those human emotions to someone who can take it without complaining and is able to renew all those emotions and thoughtless actions into Godly principles.
This kind of freedom is very special and precious as the bondage and burden which suppress the human lives and make the person suffocate. The amount of stress, pain and the level of doubts which will take place will immensely hamper both physical and spiritual life. And the other person who accepts these struggles and pain, portrays someone who is a super being and is able to handle all these situations.
This super being is our Almighty God, who created the world and wants His creature to experience freedom from bondage, struggles and sin. He wants us to experience Real Freedom which can be only given by His only begotten Son – Jesus Christ.
When Jesus revealed himself as the Messiah, He said that He had come to Earth to “proclaim freedom” (Luke 4:18). And on another occasion, He said, “If the Son sets you free, you will be free indeed” (John 8:36).
Jesus was not setting us free to do whatever we wanted; He was freeing us to do what we ought to do. He was liberating us to walk in relationship with God and to be the kind of people He created us to be. This spiritual freedom in Christ is what we as believers call “inside freedom” — the ability to obey God and choose His will for our lives. And this is the freedom in Christ that sin had long denied us. Only Through Christ, mankind will be able to find the real and true meaning of freedom.
In conclusion, we have seen through worldly content that freedom is an act of being independent, to be able to speak, to be able do whatever an individual wants and what they seem right in their eyes but this can only bring destruction and the inner peace which every person ultimately longs for, will not be able to experience it. As ignorance, arrogant nature, rebellion and most importantly pride which is the main root to all sins takes place in an individual’s heart, mind and soul. The only pure freedom that we can get and to live life in simplicity, can be found through our Lord God Jesus Christ. He is the Way, The Truth and The Life and No one can come to His Father except through Him ( John 14: 6 ). He is righteous and has not sinned, no not even once. He is the act of pure love, an assurance which is well defined from the Holy Bible, the Great Gift of Spiritual Freedom and Amazing Grace by our Heavenly Father.
Reference website
https://www.toppr.com/guides/essays/freedom-essay/#:~:text=The%20real%20meaning%20of%20freedom,can%20feel%20freedom%20from%20within
https://www.focusonthefamily.com/parenting/freedom-in-christ/